วิรสิทธิ์'s profileA Youth in LaosPhotosBlogListsMore  |  Tools Help |
|
October 14 ໄປທ່ຽວຕາດມູນມາໂອເຄ... ຂ້ອຍບໍ່ໄດ້ຂຽນຫຍັງຢູ່ຫນ້ານີ້ຫລາຍແລ້ວ ຂ້ອຍຄຶດວ່າຂ້ອຍຕ້ອງຂຽນຫຍັງຈັກຢ່າງລົງໄປແລ້ວ. ແລະມັນກໍຕ້ອງແມ່ນມື້ນີ້. ມື້ນີ້ຂ້ອຍຕື່ນເຊົ້າເປັນພິເສດ ເພາະຕ້ອງໄປສາມັກຄີທຳຮ່ວມກັນກັບຄະນະທຳມະກິດ ຢູ່ທີ່ສະຖານທີ່ທ່ອງທ່ຽວຂອງໄວລຸ້ນທົ່ວໆໄປທີ່ຮູ້ຈັກກັນດີໃນຊື່ "ຕາດມູນ". ເຊິ່ງກິດຈະກຳຄັ້ງນີ້ຈັດຂຶ້ນເພື່ອໃຫ້ຄະນະທຳມະກິດທັງ 3ຄຣິສຕຈັກ (ນາຄຳ, ນາໄຊ ແລະ ອານຸ) ຈະໄດ້ມີໂອກາດໂອ້ລົມມ່ວນຊື່ນ ແລະ ຮ່ວມພົບປະກິນເຂົ້າສາມັກຄີຮ່ວມກັນ. ເລີ່ມອອກເດີນທາງ 8ໂມງເຊົ້າ ແຕ່ວ່າລົດອອກແທ້ໆຫັ້ນ ກໍລືມແລ້ວວ່າຈັກໂມງ. ທີ່ຈິງແລ້ວ ຂ້ອຍຂຶ້ນລົດບໍ່ທັນເພິ່ນ ເພາະຂ້ອຍມົວແຕ່ຫລິ້ນຄອມພິວເຕີ້ ກັບສົ່ງຂໍ້ຄວາມຫາໝູ່ ອີກທັງຍັງຟັງເພງໄປພ້ອມ, ກະເລີຍເຮັດໃຫ້ຂ້ອຍ ຂຶ້ນລົດນຳເພິ່ນບໍ່ທັນ(ຊະງັ້ນ)5555 ແຕ່ນັ້ນກໍໜ້າຈະເປັນແຜນການຂອງພຣະເຈົ້າ ເພາະລົດຂອງ ສຈ.ໂປໂລ ກໍຫາກໍມາຮອດໃນຕອນນັ້ນພໍດີກັບເວລາທີ່ຂ້ອຍຮູ້ວ່າ ຂ້ອຍບໍ່ທັນລົດ. ພໍດີ ເພິ່ນກໍເລີຍຖາມຂ້ອຍວ່າ ຂ້ອຍຊິໄປນຳເພິ່ນບໍ? ຂ້ອຍກໍເລີຍຕອບວ່າ "ໄປ" ຢ່າງຟ້າວຟັ່ງ, ອີກຢ່າງ ກໍດີທີ່ພວງມະໄລ ລາວກໍຫາກໍກັບມາແຕ່ໂຮງຮຽນ, ເພິ່ນເວົ້າວ່າໂຮງຮຽນບໍ່ໄດ້ເຂົ້າ ເຮົາກໍເລີຍໄດ້ນັ່ງລົດໄປກັບ ສຈ. ໂປໂລ ຮ່ວມກັນ. ພໍໄປໃກ້ຈະຮອດຈຸດໝາຍ ສຈ. ໂປໂລ ກໍຮູ້ເມື່ອວ່າ ລືມ ບໍ່ໄດ້ຊື້ອາຫານໄປກິນນຳ, ຂ້ອຍກໍເລີຍເວົ້າກັບເພິ່ນວ່າ ຢູ່ບ່ອນທີ່ເຮົາຈະໄປນັ້ນກໍມີອາຫານຂາຍ ໄປຊື້ເອົາທາງໜ້າກໍໄດ້... ກໍເລີຍວ່າໄດ້ໄປຕໍ່ຈົນຮອດບ່ອນຈຸດໝາຍ, ແລະ ເຮົາກໍພົບວ່າ ລົດຂອງ ສຈ. ດຣ. ຄຳພອນ ກໍຫາກໍໄປຮອດບໍ່ຫຼຸດລື່ນກັນປານ ໃດ ເພາະເພິ່ນຂີ່ລົດກາຍຮ່ອມເຂົ້າໄປໄກເຕີບ. ກໍເລີຍຮອດພ້ອມດຽວກັນກັບລົດຂອງ ສຈ. ໂປໂລ. ພໍໄປຮອດກໍພົບວ່າ ມີພຽງແຕ່ ຄະນະທຳມະກິດໂບດນາຄຳເທົ່ານັ້ນທີ່ໄປຮອດ ສ່ວນອີກສອງຄຣິສຕະຈັກນັ້ນ ຍັງມາບໍ່ເຖິງ ແຕ່ແລ້ວ ຜ່ານໄປເກືອບຮອດ ຊົ່ວໂມງ (ຄິດວ່າ) ທັງສອງຄຣິສຕະຈັກກໍມາຮອດ ແລ້ວພວກເຮົາກໍເລີ່ມລາຍການຕ່າງໆ. ຂ້ອຍມັກຊ່ວງທີ່ ສຈ. ດຣ. ແບ່ງປັນຫຼາຍ, ເຊິ່ງບົດແບ່ງປັນຂອງເພິ່ນນັ້ນເວົ້າກ່ຽວກັບເລື່ອງຄວາມເຊື່ອ. ທີ່ຈິງມັນກໍເປັນເລື່ອງທີ່ເພິ່ນເຄີຍແບ່ງປັນຢູ່ເລື້ອຍໆ ແຕ່ວ່າຮູ້ສິກວ່າມື້ນີ້ ມັນຈະສຳພັດກັບຂ້ອຍເປັນພິເສດ ບໍ່ຮູ້ວ່າເປັນຫຍັງ. ສິ່ງທີ່ຂ້ອຍໄດ້ຮັບຄື ຖ້າເຮົາມີຄວາມເຊື່ອ ເຮົາກໍຕ້ອງມີການອົດທົນ, ມັນບໍ່ພຽງແຕ່ເຊື່ອລະລ້າເທົ່ານັ້ນ ແຕ່ເຈົ້າຕ້ອງມີຄວາມອົດທົນໄປພ້ອມ ເພື່ອວ່າຄວາມເຊື່ອຂອງພວກເຮົາຈິ່ງຈະເກີດຜົນ. ຂ້ອຍຄິດວ່າ ພຣະເຈົ້າຄົງຈະຢາກໃຫ້ຂ້ອຍຮຽນຮູ້ກ່ຽວກັບເລື່ອງນີ້ຫຼາຍຂຶ້ນ. ຂອບພຣະຄຸນພຣະເຈົ້າ. ແລະແລ້ວເວລາທີ່ຂ້ອຍຄຶດກໍມາເຖິງ, ຄື ສຈ. ຄຳແດງ ໄດ້ນຳເອົາເກມ (ທີ່ຂ້ອຍຄຶດວ່າໄວ້ສຳລັບເດັກນ້ອຍຫຼິ້ນຫຼາຍກວ່າ) ມາໃຫ້ບັນດາຜູ້ປົກຄອງ ແລະ ຜູ້ດູແລທັງຫຼາຍໄດ້ຫຼິ້ນນຳກັນຢ່າງມ່ວນຊື່ນ. ແລະສຸດທ້າຍກໍໄດ້ມີການກິນເຂົ້າຮ່ວມກັນ ແລະ ຫຼິ້ນນຳຮ່ວມກັນ ບາງຄົນບໍ່ຢາກຫຼິ້ນ ກໍນັ່ງເບິ່ງ, ບາງຄົນ(ອ້າຍຕີ໋ນ້ອຍ)ກໍຊ່ວຍເບິ່ງແຍງເດັກນ້ອຍ ໃຫ້ພວກບັນດາພໍ່ແມ່ທີ່ບໍ່ຢາກລົງນ້ຳ. ຂ້ອຍກໍບໍ່ໄດ້ຫຼິ້ນຫຼາຍ ເພາະຂ້ອຍບໍ່ຢາກປຽກ, ເພາະຕ້ອງໄດ້ຂຶ້ນລົດກັບ ກັບສຈ. ໂປໂລ, ຢ້ານລົດເພິ່ນເປື້ອນ. ໃນທີ່ສຸດພວກເຮົາກໍຕົກລົງກັນ ເລີກລາຈາກທີ່ນັ້ນ ໃນເວລາ 3ໂມງແລງ ພໍປະມານ. ແລ້ວຂ້ອຍກໍມາເຖິງໂບດເປັນລົດຄັນທຳອີດ ເພາະສຈ. ໂປໂລ ໃຊ້ທາງລັດກັບມາ ທັງຍັງຂັບລົດຂ້ອນຂ້າງໄວ້ອີກ. ພໍມາເຖິງຂ້ອຍກໍຕັ້ງໃຈວ່າຈະມາຂຽນບອກເລື່ອງລາວໃຫ້ກັບພວກພີ່ນ້ອງທີ່ຕິດຕາມເບິ່ງໜ້າເວັບນີ້ຂອງຂ້ອຍ, ຊຶ່ງ ຂ້ອຍກໍຢາກຂອບພຣະຄຸນພຣະເຈົ້າ ໃນ ທຸກສິ່ງທີ່ຜ່ານມາ. ຂອບພຣະຄຸນພຣະເຈົ້າ ຂໍພຣະເຈົ້າອວຍພອນ August 11 ຢາກເວົ້າວ່າເມື່ອຍ....ເດ້!!!!!!!ຮູ້ສຶກວ່າ ນັບມື້ນັບມີວຽກຫລາຍຂຶ້ນ, ທີ່ຈິງແລ້ວ ຍັງບໍ່ຮູ້ເລີຍວ່າສິຂຽນບົດກ່ຽວກັບຫຍັງ ທັ້ງໆທີ່ເຮົາຫນ້າຈະຂຽນແລ້ວໆ ເພື່ອເອົາໄປໃຫ້ອາຈານກວດແກ້ ແຕ່ວ່າຕອນນີ້ກໍຍັງບໍທັນມີຮອດຫົວບົດເລີຍ ພຣະເຈົ້າເອີ້ຍ...ເປັນຫຍັງລູກຄືຂີ້ຄ້ານຫລາຍປານນີ້...
 ເອົາລະ ເຮົາຈະຕ້ອງໄປເອົາຫົວບົດມາໃຫ້ໄດ້ໃນອາທິດຈະມານີ້.. ຕອນນີ້ຮູ້ສຶກວ່າ ໃນເດືອນນີ້ ເປັນເດືອນແຫ່ງພຣະພອນຫລາຍ...ເພາະວ່າມີງານຢູ່ຕະຫລອດ...ດຽວສິຈັດລາຍການລົງໄປໃຫ້ເບິ່ງເດີ້...1. ໃນອາທິດນີ້ ຕັ້ງແຕ່ວັນທີ 11-15/08 ຈະມີອາສາສະໝັກຈາກຕ່າງປະເທດມາສອນພາສາອັງກິດໃຫ້...ຄິດວ່າຕົວເອງຫ່າງຈາກການຝຶກພາສາມາດົນແລ້ວ ກະເລີຍຕັ້ງໃຈສິໄປລຶ້ມຄືນກ່ອນ...ຕົວເອງກະຍັງໄດ້ຖືກຕັ້ງໃຫ້ເປັນຄະນະຫ້ອງອີກໃດ໋ຫັ້ນ 555 ຈັກສິໄດ້ດີປານໃດ... ແຕ່ຈັ່ງໃດໂຕເອງກະບໍ່ໄດ້ຢູ່ມື້ສຸດທ້າຍດອກ...ດຽວເບິ່ງລາຍການຕໍ່ໄປລະຈິ່ງສິຮູ້ ວ່າເປັນຫຍັງ...
2. ໃນວັນທີ 15-16/08 ນີ້ ກໍຈະມີງານຄ້າຍຫລານນ້ອຍອີກ. ທີ່ຈິງບອກໄດ້ເລີຍວ່າ ໂຕເອງບໍ່ໄດ້ເປັນຄູຫລານນ້ອຍດອກ...ແຕ່ວ່າຄູຜູ້ຊາຍບໍ່ມີ ເຂົາກໍເລີຍມາຫາໃຫ້ຊ່ວຍ, ບວກກັບໂຕເອງກະຄິດວ່າ “ຕອນນີ້ຍັງບໍ່ມີວຽກເຮັດເທື່ອ” ທັ້ງທີ່ຈິງ ວຽກມັນກະມີຫລາຍຫັ້ນແຫລະ, ຫາກບໍ່ຢາກເຮັດຊື່ໆ. ເວົ້າໄປເວົ້າມາກະບໍ່ມົ້ມເລື່ອງບົດຈົບຊັ້ນ 555. ງານຄັ້ງນີ້ກໍຄິດວ່າເປັນແຜນການຂອງພຣະເຈົ້າແນ່ນອນ ທີ່ໃຫ້ເຮົາມີສ່ວນ. ຄິດວ່າພຣະເຈົ້າຄືສິຢາກບອກຫຍັງຈັກຢ່າງໂດຍຜ່ານງານຄ້າຍຫລານນ້ອຍນີ້. ມື້ນີ້ກໍມີການແບ່ງວຽກ...ດີໃຈທີ່ໄດ້ມີໂອກາດຊ່ວຍງານຄັ້ງນີ້ນຳ....ຂໍພຣະເຈົ້າຊ່ວຍໃຫ້ເຮັດລ້ອນຫັ້ນແຫລະ ສິດເອີ້ຍ....!!!!
3. ຫນ້າເສີຍດາຍທີ່ ວັນທີ 15 ເປັນມື້ທີ່ມີງານຕຳກັນຫລາຍເອົາແທະໆ. ນອກຈາກຈະເປັນມື້ສຸດທ້າຍຂອງການຮຽນພາສາ ທີ່ໂຕເອງສິບໍ່ໄດ້ຢູ່ນຳ ເພາະຕ້ອງມາງານເປີດຄ້າຍໃນມື້ນັ້ນ...ໃນຕອນແລງຂອງມື້ດຽວກັນນີ້ເອງ...ກໍຍັງເປັນມື້ທີ່ໜ່ວຍງານກິລາຄົນໜຸ່ມຮ່ວມກັບໜ່ວຍງານນຳວິນຍານ ໄດ້ຈັດງານປະກາດກັບພວກນັກກິລາ ທີ່ເຄີຍຫລິ້ນກິລາຮ່ວມກັນໃນຄັ້ງຜ່ານໆມາ. ທີ່ຈິງໂຕເອງກະຢາກໄປຮ່ວມງານນີ້ຫລາຍ...............ຈົນພະຍາຍາມກ່ອມໃຫ້ປະທານຄົນໜຸ່ມເລື່ອນງານນີ້ອອກໄປ...ແຕ່ກະບໍ່ສຳເລັດ... ແຕ່ກໍຄິດວ່າບໍ່ເປັນຫຍັງດອກ ເພາະຕ້ອງຄິດວ່ານີ້ເປັນແຜນການຂອງພຣະເຈົ້າສຳລັບເຮົາເອງ. ເວົ້າມາແລ້ວກໍເສຍດາຍ...
4. ລືມບອກໄປອີກຢ່າງໜຶ່ງ, ໃນອາທິດນີ້ ກະຄື 11-16/08 ນີ້ແຫລະ, ໜ່ວຍງານກອງທຶນກໍໄດ້ຈັດກິດຈະກຳເພື່ອຫາລາຍໄດ້ສົມທົບທຶນເຂົ້າໃນການອົບຮົມຜູ້ນຳທົ່ວປະເທດຄັ້ງທຳອິດນີ້ອີກ. ຊຶ່ງອາທິດນີ້ກໍເປັນອາທິດທຳອິດທີ່ໄດ້ຈັດຂຶ້ນ ແລະ ກໍໄດ້ແບ່ງໜ່ວຍສາມັກຄີທຳອອກເປັນ 4ໜ່ວຍ, ເຊິ່ງໜ່ວຍ 1,3,5 ກໍເຂົ້າເປັນໜ່ວຍດຽວກັນ ແລະກໍເປັນຫນ່ວຍທຳອິດທີ່ເຮັດກິດຈະກຳດັ່ງກ່າວ. ແລະໂຕເອງກໍຈະຕ້ອງໄດ້ມີສ່ວນໃນງານນີ້ເຊັ່ນກັນ,ເພາະເປັນທີ່ປຶກສາຂອງໜ່ວຍ5. ມື້ອື່ນນີ້ກໍຈະຕ້ອງໄດ້ອອກຕະຫລາດໄປຊື້ເຄື່ອງກັບພີ່ນ້ອງແລ້ວ. ເວົ້າມາແລ້ວກະເມື່ອຍກ່ອນລະ 555.
ໂອ້ຍ...ພໍກ່ອນ ດຽວພີ່ນ້ອງອ່ານແລ້ວສິເມື່ອຍໄປນຳ ເອົາເປັນວ່າ ໃນອາທິດນີ້ ງານຊຸມ...5555
 ຈັ່ງໃດຂ້ານ້ອຍກໍຍັງຕ້ອງການກຳລັງໃຈ ແລະຄຳອະຖານເພື່ອຈາກພີ່ນ້ອງຢູ່ເດີ້.... ມື້ນີ້ເມື່ອຍ ຢາກນອນແລ້ວໄວ້ມື້ຫນ້າຈະມາຂຽນຕື່ມໃນວຽກທີ່ຕ້ອງເຮັດໃນເດືອນ....ນີ້ໃຫ້ຟັງອີກ...ໄປລະ ບ່າຍ....
ພຣະເຈົ້າອວຍພອນເດີ້....................
August 09 ບໍ່ມີຫຍັງຫລາຍ ພຽງຢາກບອກວ່າ “ເດີນທາງປອດໄພເດີ້”ກໍ ເປັນອີກມື້ໜຶ່ງ ທີໄດ້ໄປສະໜາມບິນ, ມີຄົນບອກວ່າ ງານລ້ຽງຕ້ອງມີມື້ເລີກລາ...ແລະການຈາກລາກໍເປັນເລື່ອງທຳມະດາ...ຫລາຍໆເທື່ອທີ່ຕົວເອງໄປສະໜາມບິນ ຈະຮູ້ສຶກດີໃຈຫລາຍກວ່າເສົ້າໃຈ...ເພາະຢ່າງນ້ອຍ ຄົນທີ່ເຮົາຕັ້ງໃຈຈະໄປຮັບ ຫລືວ່າຄົນທີ່ເຮົາຕັ້ງໃຈຊິໄປສົ່ງນັ້ນ ເຂົາກໍເດີນທາງມາດ້ວຍຄວາມປອດໄພ ແລະ ຈາກໄປໂດຍສະວັດດີພາບ... ແຕ່ເທື່ອນີ້ຢາກຕ່າງກ່ອນເກົ່າໜ້ອຍໜຶ່ງ, ເພາະວ່າ ຄົນທີ່ເຮົາສະໜິດຢູ່ຄົນໜຶ່ງ ຊຶ່ງກໍຢູ່ໃນທີມຕົ້ນສຽງຈະຈາກໄປຮັບໃຊ້ຢູ່ອີກທະວີບໜຶ່ງ...ລາວເປັນອ້າຍອີກຄົນໜຶ່ງທີ່ຄິດວ່າຕົນເອງສະໜິດຫລາຍຢູ່...ແຕ່ກໍດີແລ້ວທີ່ລາວໄດ້ມີໂອກາດອອກໄປເຜີຍແຜ່ການຮັບໃຊ້ຂອງຄຣິສຕຽນຢູ່ປະເທດລາວ. ອາກາດມື້ນີ້ກໍຊ່າງເປັນໃຈໃຫ້ຄິດຮອດ...ເພາະມັນບໍ່ມີແດດ ມີແຕ່ເຝື້ອ...ເວົ້າແລ້ວກໍຢາກໄຫ້...ແຕ່ກໍດີແລ້ວລະ....ໄວ້ເຮົາຄ່ອຍພົບກັນໃນຄຳອະທິຖານເດີ້....
ພຣະເຈົ້າອວຍພອນເດີ້
ຕັ້ງໃຈຮັບໃຊ້ພຣະເຈົ້າເດີ້...ສູ້ໆ July 29 ບອກເລົ່າເລື່ອງລາວ...ສະບາຍດີ ເພື່ອນໆທຸກໆຄົນທີ່ຕິດຕາມຂ່າວຄາວຂອງຄຣິສຕຽນໃນ ສປປ ລາວ.
ເຫລືອອີກບໍ່ເທົ່າໃດ ກໍຈະສິ້ນເດືອນກໍລະກົດແລ້ວ, ຫລາຍສິ່ງໄດ້ຜ່ານເຂົ້າມາ ມີທັງສິ່ງທີ່ເຮັດໃຫ້ເສີຍໃຈ ແລະ ສິ່ງທີ່ເຮັດໃຫ້ດີໃຈ. ເຖິງຢ່າງໃດກໍຕາມ ຂ້າພະເຈົ້າກໍຍັງຈະຮັກແລະສັນລະເສີນພຣະອົງຢູ່ສະເໝີໄປ.
ມື້ນີ້ກໍເລີຍຄິດວ່າ ຢາກເຂົ້າມາຂຽນສິ່ງໃດສິ່ງໜຶ່ງ ເພື່ອບອກເລື່ອງລາວໃຫ້ແກ່ພີ່ນ້ອງໄດ້ຮັບຮູ້...
ໜຶ່ງເດືອນທີ່ຜ່ານກໍເຊັ່ນເຄີຍ ບໍ່ມີຫຍັງປ່ຽນແປງສຳລັບການຂຽນບົດຈົບຊັ້ນ, ເປັນຍ້ອນຄວາມຂີ້ຄ້ານໄດ້ບົດບັງຄວາມດຸໝັ່ນຂອງຂ້ານ້ອຍໄປໝົດລະຕິເບາະ... ເຖິງຢ່າງໃດຂ້ານ້ອຍກໍຈະພະຍາຍາມໃຫ້ມັນແລ້ວ...ຂໍຝາກເປັນຄຳອະທິຖານໃຫ້ກັບບັນດາຜູ້ທີ່ອ່ານນີ້ດ້ວຍ.
ບັນດາໜ່ວຍງານຕ່າງໆຂອງຄົນຫນຸ່ມກໍເຄື່ອນໄຫວໄປໄດ້ດ້ວຍດີ ເພາະການຊົງນຳພາຂອງອົງພຣະວິນຍານບໍລິສຸດເຈົ້າ, ແຕ່ກໍຍັງມີບາງຫນ່ວຍງານ ຄື ຫນ່ວຍງານພຣະຄຳພີນີ້ເອງ(ໜ່ວຍງານຂອງຜູ້ກ່ຽວນີ້ເອງ) ເຊິ່ງຍັງບໍ່ໄປບໍ່ມາ...ເພາະຫົວຫນ້າຫນ່ວຍງານຕິດສະຫນິດກັບພຣະຄຳພີຫລາຍໂພດ... ກາງເດືອນທີ່ຜ່ານມາກໍໄດ້ມີການໄປສຳມະນາກ່ຽວກັບການນະມັດສະການຢູ່ທີ່ຈັງຫວັດຫນອງຄາຍ, ປະເທດໄທ. ທີ່ຈິງຕົວຂ້າພຣະເຈົ້າເອງບໍ່ໄດ້ຖືກເລືອກໄປກັບທີມດອກ ແຕ່ໄປກັບອາຈານໃຫຍ່ປະຈຳຄຣິສຕະຈັກ, ເວົ້າງ່າຍໆກະຄື "ຫລິ້ນເສັ້ນ" ຫັ້ນແຫລະ
. ຖ້າຊິໃຫ້ເວົ້າເລື່ອງຄວາມຮູ້ສຶກຕໍ່ກັບງານສຳມະນາຄັ້ງນີ້ແລ້ວ...ບອກຍາກຫນ້ອຍຫນຶ່ງ ເພາະຄວາມຮູ້ສຶກມັນມີຫລາຍໆດ້ານ...ເອົາເປັນວ່າ ບໍ່ຂໍເວົ້າເລື່ອງນີ້ຫລາຍ ແຕ່ກໍຂໍຂອບພຣະຄຸນພຣະເຈົ້າທີ່ຈັດຕຽມທຸກສິ່ງທຸກຢ່າງ.ກັບມາຈາກງານຄັ້ງນີ້ ກໍມີກິດຈະກຳພິເສດ ຂອງໜ່ວຍງານນະມັດສະການ, ເຊິ່ງກໍສ້າງບັນຍາກາດໃນການນະມັດສະການຫລາຍ. ອາທິດນັ້ນເປັນອາທິດທີ່ຂໍບອກວ່າເມື່ອຍຫລາຍ...
 ແຕ່ກໍຍັງຂອບພຣະຄຸນພຣະເຈົ້າເຊັ່ນເຄີຍ.ເລີ່ມອາທິດໃໝ່ຕໍ່ມາ ມີການສຳມະນາກ່ຽວກັບການເປັນຜູ້ນຳ ເຊິ່ງມີພີ່ນ້ອງເກົາຫລີ ທີ່ມາຈາກສະຫະລັດອາເມລິກາ, ສາມມື້ເຕັມໆກັບການອົບຮົມ...ເມື່ອຍຕາມເຄີຍ ແຕ່ກະມີຄວາມສຸກ ເພາະໄດ້ຮູ້ຈັກເພື່ອນໃໝ່ໆຫລາຍຂຶ້ນງ. ຟັງແລ້ວເປັນຈັ່ງໃດແນ່...
 ຍັງບໍ່ຫມົດເລື່ອງຢາກເວົ້າ, ທ້າຍເດືອນທີ່ຜ່ານມາ ກໍຍັງມີພິທີບັບຕິສມາ ໃນວັນທີ 26/7 ເຖິງວ່າຈະມີຄົນທີ່ຕັດສິນໃຈຫນ້ອຍກວ່າຄັ້ງທີ່ຜ່ານໆມາ ແຕ່ຂ້ານ້ອຍກໍເຊື່ອວ່າ ນັ້ນເປັນການຕັດສິນໃຈຈາກໃຈຈິງຂອງພວກເຂົາ...ມີທັງໝົດ 18ຊີວິດດ້ວຍກັນ....Thanks God!!!
ທັງຫມົດນັ້ນກໍແມ່ນເລື່ອງລາວຕ່າງໆທີ່ເກີດຂຶ້ນພາຍໃນເດືອນກໍລະກົດທີ່ຜ່ານມາ ຫວັງແລະເຊື່ອວ່າ ປະເທດລາວຂອງພວກເຮົາ ຈະຢູ່ໃນຄຳອະທິຖານຂອງພີ່ນ້ອງຕະຫລອດໄປ. ຂອບພຣະຄຸນພຣະເຈົ້າ...
ພຣະເຈົ້າອວຍພຣະພອນ... June 20 ບອກເລົ່າເລື່ອງລາວ....ສະບາຍດີ ໝູ່ເພື່ອນທຸກຄົນໃນອົງພຣະເຢຊູຄຣິດ!
ກໍເປັນອີກຄັ້ງຫນຶ່ງ ທີ່ຂ້ອຍໄດ້ມີໂອກາດ ຫລືເວົ້າໄດ້ວ່າ ມີເວລາພຽງພໍທີ່ຈະຂຽນຂໍ້ຄວາມຕ່າງໆເຫລົ່ານີ້ເພີ່ມຂຶ້ນ. ຂ້ອຍກໍບໍ່ມີເລື່ອງເລົ່າໃຫ້ຟັງຫລາຍພໍປານໃດດອກ ແຕ່ກໍຢາກຈະຂຽນບາງຢ່າງໄວ້ແນ່ ເພາະວ່າບໍ່ໄດ້ຂຽນມັນມາດົນແລ້ວ. ທີ່ຈິງ ຕອນນີ້ຂ້ອຍກໍໄດ້ເສັງຈົບຢູ່ມຊ ຫລາຍມື້ເຕີບແລ້ວ, ສະນັ້ນ ຂ້ອຍກໍເລີຍບໍ່ໄດ້ໄປໂຮງຮຽນໃນຕອນສວຍ. ຂ້ອຍກໍເລີຍມານັ່ງຫລິ້ນຢູ່ໂບດ ແລະ ໃຊ້ອິນເຕີເນັດຟຣີນຳ(555) ຂ້ອຍມັກຈະອ້າງວ່າຂ້ອຍມີວຽກຫລາຍ ຕົວຈິງແລ້ວ ຂ້ອຍກໍມີວຽກຫລາຍແທ້ ແຕ່ວ່າຂ້ອຍເປັນຄົນຂີ້ຄ້ານຫລາຍ ເຖິງຫລາຍທີ່ສຸດ. ເຖິງຢ່າງໃດກໍຕາມ ຂ້ອຍກໍຕ້ອງເຮັດວຽກທີ່ຮັບມາໃຫ້ມັນຫລ້ອນຫນ້າທີ່. ອີກບໍ່ດົນ ໂບດນາຄຳ ກໍຈະມີການນະມັດສະການ ເພີ່ມຂຶ້ນເປັນສອງຮອບແລ້ວ. ເຖິງມີນັ້ນ ມັນກະຄືສິມີສິ່ງໃຫ້ເຮັດຫລາຍຂຶ້ນ, ແຕ່ຂ້ອຍກໍຍັງລໍຄອຍມື້ນັ້ນຢູ່ດີ. June 14 ງານອົບຮົມຫນ່ວຍງານຕິດຕາມຜົນວັນທີ 13 ເດືອນມິຖຸນາ, ພວກເຮົາໄ້ມີການຈັດງານອົບຮົມຫນ່ວຍງານຕິດຕາມຜົນສຳຫລັບຄົນຫນຸ່ມ ຄຣິສຕະຈັກນາຄຳ. ເຊິ່ງງານນີ້ ແມ່ນແນໃສ່ເສີມສ້າງຄົນຫນຸ່ມ ໃຫ້ມີຈິດໃຈກະຕືລົ້ນໃນການຮັບໃຊ້ໃນຫນ່ວຍງານຕິດຕາມຜົນລ້ຽງດູ. ເຊິ່ງໃນງານດັ່ງກ່າວ ທ່ານ ສຈ. ດຣ. ຄຳພອນ ກຸນທະປັນຍາ, ສິດຍາພິບານອາວຸໂສ ສູນລວມຄຣິສຕະຈັກຂ່າວປະເສີດ ແຫ່ງ ສປປ ລາວ, ເປັນຜູ້ແບ່ງປັນບົດຮຽນ ກ່ຽວກັບການສອນຫນ່ວຍ, ການຮັບໃຊ້ ແລະ ການດຳເນີນຊີວິດ ໃຫ້ຢູ່ໃນທາງຂອງອົງພຣະຜູ້ເປັນເຈົ້າ ໂດຍໃຫ້ພຣະວິນຍານບໍລິສຸດເຈົ້າ ເປັນພຣະຜູ້ຊ່ວຍເຮົາ ໃນທຸກດ້ານ. ເຊິ່ງນັ້ນກໍ່ໝາຍເຖິງການດຳເນີນຊີວິດ ຕາມມິຕິທີ 4. ງານນີ້ປະສົບຜົນສຳເລັດໄປໄດ້ອີກກ້າວໜຶ່ງແລ້ວ. ຂອບພຣະຄຸນອົງພຣະຜູ້ເປັນເຈົ້າ ທີ່ໄດ້ຊົງນຳໃນທຸກລາຍການ ຕະຫລອດທັງວັນນີ້.
ພຣະເຈົ້າອວຍພຣະພອນ.... June 12 ຂຽນເປັນພາສາລາວໄດ້ແລ້ວ....ບໍ່ຮູ້ສິຂຽນແນວໃດ... ແຕ່ກໍຂອບຄຸນພຣະເຈົ້າທີ່ໃຫ້ຄວາມສາມາດພິເສດ(ຢ່າງນ້ອຍກໍຄິດວ່າພິເສດແລ້ວລະ)ໃນການນຳໃຊ້ອິນເຕີເນັດ ເພື່ອນຳສະເຫນີວຽກງານຂອງຄຣິສຕຽນທີ່ຢູ່ໃນ ສປປ ລາວ, ໂດຍສະເພາະກໍແມ່ນຄົນຫນຸ່ມຂອງຄຣິສຕຈັກ ຂ່າວປະເສີດ ແຫ່ງ ສປປ ລາວ.
ຄວາມຈິງແລ້ວ ຂ້ານ້ອຍຢາກຂຽນບອກເລົ່າກ່ຽວກັບ ຄຣິສຕຽນມາດົນນານແລ້ວ, ເຊິ່ງໂດຍສະເພາະແລ້ວ ກໍແມ່ນໄວຫນຸ່ມພວກເຮົານີ້ເອງ... ແລະຂ້ານ້ອຍກໍດີໃຈ ທີ່ສາມາດຂຽນ/ບອກເລົ່າ ອອກມາເປັນພາສາລາວໄດ້ແລ້ວ, ເຊິ່ງກໍເຮັດໃຫ້ຂ້ານ້ອຍ ມີແຮງບັນດານໃຈເພີ່ມຂຶ້ນ ໃນການບອກກ່າວ, ເລົ່າເລື່ອງຕ່າງໆເພື່ອໜູນໃຈ ເປັນພາສາລາວ.
ຂ້ານ້ອຍຄິດວ່າ ອີກບໍ່ດົນ ຂ້ານ້ອຍຈະມີເວລາຫລາຍຂຶ້ນ ໃນການເລົ່າເລື່ອງກ່ຽວກັບຄົນຫນຸ່ມຫລາຍກວ່ານີ້. ຫວັງວ່າຊາວຄຣິສຕະຊົນທັງຫລາຍ ຈະຕິດຕາມຫນ້າເວັບນີ້ ຕໍ່ໄປ.
ຂໍພຣະເຈົ້າອວຍພອນ May 17 So TiredLong time, i didn't write anything more. somehow though i'm not good at English enough, i will try. today i was really tired. i got up at 7 am and there was a spiritual lesson for leader in my church this moring, so as i'm responsible for preparing songs and putting the lesson up to the projetor, i had to be an early bird. in fact, i have to be everyday, but it's special today.
the lesson was very long. mostly we would take only in the morning, but today lasted until 3pm. ah.... so long... but i also learnt a lot from the pastor, Rev. Dr. Khamphone Kounthapanya. we also practiced worshiping for tomorrow (Sunday). it didn't take long time 'cos the song was quite simple. then, i had to take the English class, actually it's the cell group in English by Mr. Henry Yep from Malaysia. it's the last class which we took... so sad. I learnt a lot from him. Have you guys seen "Facing Giant" movie? it's very nice christian movie. i don't know how to explain, but i think you should see it once and you'll never forget it. it made me cried and so did my family members and my friends. not because only the plot, but also the bible study which contants in this movie, it's very nice lesson... You MUST see it.
well, i don't know what to write more.... i will try next time...
God bless you...
Phil. 4:13 October 05 2 important things in my lifeHi everybody!
I’m a normal Lao christian who want to learn how to do the blog. I just try to do by myself and of course it doesn’t work if I don’t ask for God’s help. I was not born in a christian family, but I grew up with many christian friends because I have been a christian since I was a little boy. That is good for me because my youth life is in the Christ always. However, I must say that living in Christian life is not easy nor difficult. Some people said that, “ It’s easy to go to the heaven, but not easy to get the prize.” It is true for me and I think for other people especially for the youth. Living in Christian life, we have to be carefully and be alert all the time. Because we don’t know what will happen with us. We have to ask for God’s help all the time even you’re a pastor or normal christian. One thing that I want to share is “There are 2 important things that we have to do. There are Pray and Reading the words of God.” If you forgot any of those things, you won’t be balance. Because, for example, how can you hear from God if you just only ask and don’t let God say anything. In the same way, how can you get your problems solved if you don’t tell God what you want HIM to do with you. So, I must say that, in our life there are always two things that goes together and we have to be carefully all the time. GOD B WITH U |
|
|
